ຈັບຕາຍຄົນຮ້າຍຕໍ່ສູ້ເຈົ້າໜ້າທີ່

ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ໄດ້​ລາຍ​ງານ​ວ່າ: ວັນ​ທີ 20 ກໍ­ລະ­ກົດ 2011 ຜ່ານ​ມາ ກຳ­ລັງ​ປ້ອງ​ກັນ​ຄວາມ​ສະ­ຫງົບ ທະ­ຫານ​ເມືອງ​ສີ​ໂຄດ​ຕະ­ບອງ ແລະ ອຳ­ນາດ​ການ​ປົກ­ຄອງ​ບ້ານ​ໜອງ​ໜ້ຽວ ເມືອງ​ສີ​ໂຄດ​ຕະ­ບອງ ໄດ້​ສົມ­ທົບ​ກັນ​ປິດ​ລ້ອມ​ຈັບ​ຕົວ​ເປົ້າ​ໝາຍ ຄະ­ດີ​ປຸ້ນ​ຊັບ ຊີງ​ຊັບ ລັກ​ຊັບ​ພົນ­ລະ­ເມືອງ ແລະ ມີ​ອາ­ວຸດ​ເສິກ​ໄວ້​ໃນ​ຄອບ​ຄອງ ແຕ່​ຄົນ​ຮ້າຍ​ຝືນ​ດື້​ຍິງ​ປືນ​ຕໍ່­ສູ້ ຈຶ່ງ​ເກີດ​ມີ​ການ​ປະ​ທະ​ກັນ​ຢ່າງ​ຮຸນ​ແຮງ ເຮັດ​ໃຫ້​ເຈົ້າ​ໜ້າ­ທີ່ ປກສ ເມືອງ ໄດ້​ຮັບ​ບາດ­ເຈັບ 1 ຄົນ ແລະ ຄົນ​ຮ້າຍ​ຖືກ​ຍິງ​ເສຍ​ຊີ­ວິດ 1 ຄົນ.

ຄົນ​ຮ້າຍ​ລາຍ​ນີ້ ຄື: ທ້າວ ສຸ­ມາ­ລີ ຫຼື ນ້ອຍ ອາ­ຍຸ 27 ປີ ອາ­ຊີບ​ວ່າງ​ງານ ຢູ່​ບ້ານ​ໜອງ​ໜ້ຽວ ເມືອງ​ສີ​ໂຄດ​ຕະ­ບອງ ເປັນ​ເປົ້າ​ໝາຍ​ປະ­ເພດ 3/3 ທີ່​ມີ​ພຶດ­ຕິ​ກຳ​ກະ­ທຳ​ຜິດ​ຕໍ່​ລະ­ບຽບ​ກົດ­ໝາຍ ຝືນ​ດື້​ຫຼົບ​ຫຼີກ​ການ​ກະ­ທຳ​ຜິດ ແລະ ທ້າ​ທາຍ​ຕອບ​ໂຕ້​ເຈົ້າ​ໜ້າ­ທີ່​ໃນ​ເວ­ລາ​ເຂົ້າ​ຈັບ​ກຸມ ສະ­ແດງ​ອອກ​ເມື່ອ​ເດືອນ​ມັງ­ກອນ ປີ 2011 ເຈົ້າ​ໜ້າ­ທີ່ ປກສ ເມືອງ​ສີ​ໂຄດ​ຕະ­ບອງ ໄດ້​ເຂົ້າ​ປິດ​ລ້ອມ​ຈັບ​ກຸມ​ຜູ້­ກ່ຽວ ພ້ອມ​ພັກ​ພວກ 3 ຄົນ ແຕ່​ຜູ້­ກ່ຽວ​ສາ­ມາດ​ເອົາ​ຕົວ​ຫຼົບ­ໜີ​ໄດ້ ຜ່ານ​ການ​ກວດ​ຄົ້ນ​ເຮືອນ​ຜູ້­ກ່ຽວ ພົບ​ຂອງ​ກາງ​ປະ­ເພດ​ລົດ­ຈັກ 4 ຄັນ ປືນ​ປອມ 1 ກະ­ບອກ ແລະ ອຸ­ປະ­ກອນ​ຢາ​ເສບ​ຕິດ 1 ຊຸດ ຄັ້ງ​ທີ​ສອງ ປກສ ເມືອງ​ນຳ​ກຳ­ລັງ​ເຂົ້າ​ປິດ​ລ້ອມ ຫວັງ​ນຳ​ຕົວ​ມາ​ສຶກ​ສາ​ອົບ­ຮົມ ດັດ​ສ້າງ ໃນ​ລະ­ຫວ່າງ​ເດືອນ​ກຸມ­ພາ ປີ 2011 ແຕ່​ຜູ້­ກ່ຽວ​ໄດ້​ໃຊ້​ໄຟ­ຟ້າ​ຊັອດ​ເຈົ້າ​ໜ້າ­ທີ່​ຈົນ​ສະ­ຫຼົບ ແລ້ວ​ເອົາ​ຕົວ​ຫຼົບ­ໜີ ຄັ້ງ​ທີ​ສາມ ໃນ​ວັນ​ທີ 11 ມິ­ຖຸ­ນາ 2011 ເຈົ້າ​ໜ້າ­ທີ່ ປກສ ເມືອງ ເຂົ້າ​ປິດ​ລ້ອມ​ຜູ້­ກ່ຽວ​ອີກ ແຕ່​ຜູ້­ກ່ຽວ​ກໍ​ສາ­ມາດ​ຜ່າ​ວົງ​ລ້ອມ​ອອກ​ໄປ​ໄດ້ ແລະ ເກີດ​ຄວາມ​ຄຽດ​ແຄ້ນ​ຕໍ່​ກຳ­ລັງ ປກສ ຈຶ່ງ​ໄດ້​ເອົາ​ນ້ຳ­ມັນ​ໃສ່​ກະ­ຕຸກ ໄປ​ຈູດ​ເຮືອນ​ທ້າວ ຄຳ​ພູ ປກສ ບ້ານ ແລະ ໄປ​ຈູດ​ເຮືອນ​ຮ້ອຍ​ເອກ ບຸນ​ເຕ່ ເຊິ່ງ​ເປັນ​ພໍ່​ຂອງ​ຮ້ອຍ​ຕີ ແວວ​ຕາ ພະ­ນັກ­ງານ​ສືບ­ສວນ​ດຳ­ເນີນ​ຄະ­ດີ ຕິດ­ຕາມ​ການ­ເຄື່ອນ­ໄຫວ​ຂອງ​ຜູ້­ກ່ຽວ ຕົກ​ມາ​ຮອດ​ວັນ​ທີ 28 ມິ­ຖຸ­ນາ 2011 ໄອ​ຍະ​ການ​ເຂດ 1 ໄດ້​ອອກ​ຄຳ​ສັ່ງ​ຈັບ​ຕົວ​ທ້າວ ສຸ­ມາ­ລີ ຫຼື ນ້ອຍ ພາຍ­ຫຼັງ​ສືບ​ຂ່າວ​ຮູ້​ໄດ້​ວ່າ ຜູ້­ກ່ຽວ​ເຂົ້າ​ມາ​ເຮືອນ ການ​ປິດ​ລ້ອມ​ຈັບ​ກຸມ​ຄັ້ງ​ທີ​ສີ່ ຈຶ່ງ​ມີ​ຂຶ້ນ​ໃນ​ວັນ​ທີ 20 ກໍ­ລະ­ກົດ 2011 ເວ­ລາ 9 ໂມງ​ເຊົ້າ ໂດຍ​ມີ ປກສ ເມືອງ ປກສ ກຸ່ມ ປກສ ບ້ານ ອຳ­ນາດ​ການ​ປົກ­ຄອງ ແລະ ທະ­ຫານ​ເມືອງ ເຂົ້າ​ຮ່ວມ​ປິດ​ລ້ອມ​ຈັບ​ກຸມ ແຕ່​ພັດ​ຖືກ​ພໍ່Œແມ່​ຜູ້­ກ່ຽວ​ຂັດ­ຂວາງ ການ​ປະ­ຕິ­ບັດ​ໜ້າ­ທີ່ ແລະ ໄດ້​ມີ​ການ​ຕໍ່​ລອງ​ກັນ​ຈົນ​ຮອດ​ເວ­ລາ 12 ໂມງ 5 ນາ­ທີ ແມ່​ຜູ້­ກ່ຽວ​ໄດ້​ຊຸກ​ຫຼັງ​ອອກ​ຈາກ​ເຮືອນ ທັນ­ໃດ​ນັ້ນ ຜູ້­ກ່ຽວ​ກໍ​ຈົກ​ປືນ K 54 ອອກ​ມາ​ຍິງ​ຕໍ່­ສູ້​ເຈົ້າ​ໜ້າ­ທີ່ ເຮັດ​ໃຫ້​ລູກ­ປືນ​ດາດ​ແຂນ​ຂວາ​ຂອງ​ຮ້ອຍ​ເອກ ສົມ​ສັກ ໄປ​ຖືກ​ລົດ ຈຶ່ງ​ເກີດ​ການ​ຍິງ​ປະ​ທະ​ກັນ​ຢ່າງ​ຮຸນ​ແຮງ ສຸດ​ທ້າຍ​ຄົນ​ຮ້າຍ​ຖືກ​ຍິງ​ບາດ­ເຈັບ​ສາ­ຫັດ ແລະ ໄດ້​ນຳ​ສົ່ງ​ໂຮງ­ໝໍ 109 ໃນ​ທີ່​ສຸດ​ກໍ​ເສຍ​ຊີ­ວິດ.

ຕໍ່​ກັບ​ເຫດ­ການ​ດັ່ງ­ກ່າວ ທ່ານ ພົ​ຈວ. ດຣ.ບຸນ​ຊູ ນາມ​ມະ​ຈັກ ຫົວ­ໜ້າ​ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ໄດ້​ລາຍ​ງານ​ວ່າ: ສາ­ເຫດ​ຫຼັກ​ຂອງ​ການ​ປະ​ທະ​ຮຸນ​ແຮງ​ຄັ້ງ​ນີ້ ມາ​ຈາກ​ພຶດ­ຕິ​ກຳ​ໄຮ້​ຄວາມ​ມີ​ມະ­ນຸດ­ສະ­ທຳ ຫວັງ​ເອົາ​ຊີ­ວິດ​ຂອງ​ເຈົ້າ​ໜ້າ­ທີ່ ບວກ​ໃສ່​ທ່າ​ທີ​ແຂງ​ກະ­ດ້າງ​ຂອງ​ເປົ້າ​ໝາຍ ແລະ ໝົດ​ຄອບ­ຄົວ​ຂອງ​ເປົ້າ​ໝາຍ ບໍ່​ໃຫ້­ການ​ຮ່ວມ​ມື​ກັບ​ເຈົ້າ​ໜ້າ­ທີ່ ພວກ​ເຮົາ​ໄດ້​ນຳ­ພາ​ແນວ​ຄິດ ຊີ້​ແຈງ​ອະ­ທິ­ບາຍ​ເຖິງ​ສາ­ເຫດ​ປະ​ທະ​ກັນ​ເທື່ອ​ນີ້ ໃຫ້​ພໍ່​ແມ່​ປະ­ຊາ­ຊົນ ແລະ ອຳ­ນາດ​ການ​ປົກ­ຄອງ​ຮັບ​ຊາບ ຊຶ່ງ​ໄດ້​ຮັບ​ການ​ຕອບ​ຮັບ​ສະ­ໜັບ­ສະ­ໜູນ ສັນ­ລະ­ເສີນ​ຈາກ​ອຳ­ນາດ​ການ​ປົກ­ຄອງ ແລະ ພໍ່​ແມ່​ປະ­ຊາ­ຊົນ​ບ້ານ​ໜອງ​ໜ້ຽວ​ເປັນ​ຢ່າງ​ດີ.

ໂດຍ: ໂກ້

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s